Qahramon Quronboyev Chim mahallasida mahalla yettiligi bilan muloqot qildi
2025-12-20 14:50:00 / Yangiliklar
O‘zbekiston Mahallalari uyushmasi raisi Qahramon Quronboyev Qamashi tumani Chim mahallasida bo‘lib, mahalla yettiligi bilan muloqot qildi. Uchrashuvda 2025-yil davomida sohalar kesimida amalga oshirilgan ishlar va kelgusida rejalashtirilgan vazifalar taqdimoti bilan tanishdi.
Mahallani yanada rivojlantirish, “Yangi O‘zbekiston qiyofasidagi mahalla” dasturi doirasida olib boriladigan ishlar natijasida aholining turmush darajasi oshishi asosiy maqsad ekanligi ta’kidlandi. Hududni yanada obod qilish va mahalliy infratuzilmani rivojlantirish yuzasidan takliflar o‘rganildi.
Shuningdek, tuman hokimi Xurshid Usmonov, mas’ullar va nuroniylar bilan birgalikda mahalla ko‘chalarini aylanib, aholining qo‘shimcha daromad topish imkoniyatlari, xonadonlarda kichik biznes va tadbirkorlikni rivojlantirish masalalari o‘rganildi.