Qamashi tumanida Qishloq xo‘jaligi xodimlari kuni munosabati bilan bayram tadbiri o‘tkazildi
2025-12-12 17:50:00 / Yangiliklar
Tadbirda tuman hokimi Xurshid Usmonov ishtirok etib, soha fidoyilarini bayram bilan tabrikladi hamda ularning mehnatini yuksak baholadi.
Tadbir davomida qishloq xo‘jaligi sohasida yuqori hosildorlikka erishgan, o‘z faoliyati bilan tumanning agrar salohiyatini oshirishga munosib hissa qo‘shgan fermer xo‘jaliklari rahbarlariga faxriy yorliqlar topshirildi.
Bayram dasturi doirasida madaniy-ma’rifiy tadbir ham tashkil etildi. Unda viloyat madaniyat bo‘limi sozandalari, xonandalar Umrzoq Quvvatov, Shuhrat Dillayev hamda estrada xonandasi Gulinur tomonidan kuy-qo‘shiqlar ijro etildi.