Iqtisodiy barqarorlik – islohotlar poydevori!
2025-08-02 10:55:00 / Yangiliklar
Aholini asosiy turdagi oziq-ovqat mahsulotlari, jumladan go‘sht va qishloq xo‘jaligi mahsulotlari bilan kafolatli va munosib narxlarda ta’minlash – joylarda amalga oshirilayotgan iqtisodiy islohotlarning muhim yo‘nalishlaridan biridir.
Shu maqsadda Pop tumani hokimi G‘ulomjon Murodxo‘jayev arzonlashtirilgan qishloq xo‘jaligi mahsulotlari savdosi yo‘lga qo‘yilgan bozor hamda go‘sht do‘konlaridagi holatni o‘rgandi. Mahsulotlarning turi, sifati va narxi tahlil qilindi.
O‘rganish davomida tuman rahbari tomonidan mas’ullarga narx-navo barqarorligini ta’minlash, aholining ehtiyojiga mos mahsulotlar assortimentini kengaytirish hamda mahalliy tadbirkorlar bilan hamkorlikni yanada faollashtirish bo‘yicha topshiriqlar berildi.