65-Xalqaro “Gullar festivali” dunyo miqyosidagi madaniy va turistik voqelikka aylandi!
2026-07-12 20:00:00 / Yangiliklar
Bugun Davlatobod tumanidagi “Yangi O‘zbekiston bog‘i” amfiteatrida festivalning yakuniy tadbiri – g‘oliblarni taqdirlash marosimi hamda katta konsert dasturi bo‘lib o‘tdi.
Namangan viloyati hokimi Shavkatjon Abdurazzoqov tabrik so‘zida 65-xalqaro “Gullar festivali” mazmun-mohiyati, ahamiyati haqida to‘xtaldi.
Tadbir davomida turli nominatsiyalar bo‘yicha g‘olib deb topilgan mahallalar, korxona va tashkilotlar, hokimliklar hamda gulchilarga pul mukofotlari, shuningdek, bosh sovrin – 4 ta "Onix" avtomobili tantanali ravishda topshirildi.
Shuningdek, viloyatning ulkan g‘alla xirmoniga munosib hissa qo‘shgan ilg‘or fermerlar "Faxriy yorliq" hamda esdalik sovg‘alari bilan rag‘batlantirildi.
Viloyat sanʼat ustalari hamda taniqli xonandalar ishtirokidagi katta konsert dasturi yakunida maftunkor mushakbozlik bilan shodiyona barchaga quvonch ulashdi.