Toshkent viloyati Piskent tumani hokimligi

Prezident olimpiadasi: Piskent tumanida yosh sportchilar ota-onalariga minnatdorlik xatlari topshirildi

Prezident olimpiadasida ishtirok etayotgan yosh sportchilarni qo‘llab-quvvatlash, ularning ota-onalariga farzandlari tarbiyasi va sportdagi yutuqlariga qo‘shayotgan hissasi uchun minnatdorlik bildirish maqsadida Piskent tumanida olimpiadada qatnashayotgan sportchilarning xonadonlariga borildi.

Xonadonlardagi muloqotlar chog‘ida tuman hokimi sportchilarning ota-onalari bilan suhbatlashib, Toshkent viloyati hokimining minnatdorlik xatlarini o‘qib eshittirdi va topshirdi.

Suhbat davomida yosh sportchilarning Prezident olimpiadasidagi ishtiroki, tayyorgarligi va kelgusidagi maqsadlari haqida so‘z yuritildi. Farzandlarining sport bilan shug‘ullanishi, musobaqalarda munosib ishtirok etishi uchun yaratilayotgan sharoitlar hamda ota-onalarning qo‘llab-quvvatlashi alohida e’tirof etildi.

Zero, yosh sportchilarning har bir yutug‘i ortida ota-onaning mehri, ishonchi va fidoyiligi mujassam.