Biolaboratoriya — bu qishloq xo‘jaligi ekinlarini turli zararli hasharotlar va kasalliklardan himoya qilish maqsadida foydali hasharotlar hamda mikroorganizmlar yetishtiriladigan maxsus laboratoriyadir.
Biolaboratoriya — bu qishloq xo‘jaligi ekinlarini turli zararli hasharotlar va kasalliklardan himoya qilish maqsadida foydali hasharotlar hamda mikroorganizmlar yetishtiriladigan maxsus laboratoriyadir.
Biolaboratoriya — bu qishloq xo‘jaligi ekinlarini turli zararli hasharotlar va kasalliklardan himoya qilish maqsadida foydali hasharotlar hamda mikroorganizmlar yetishtiriladigan maxsus laboratoriyadir.
Biolaboratoriyalarda ko‘pincha zararkunandalarga qarshi kurashuvchi foydali hasharotlar ko‘paytiriladi. Masalan, ayrim hasharotlar zararli kapalaklar yoki boshqa zararkunandalarning tuxumlari bilan oziqlanadi. Natijada zararkunandalar soni kamayadi va ekinlar yaxshi rivojlanadi.
Bu usul biologik himoya usuli deb ataladi. Biologik himoya usuli kimyoviy pestitsidlardan kamroq foydalanishga yordam beradi. Bu esa atrof-muhitni asrash, tuproq unumdorligini saqlash va ekologik toza mahsulot yetishtirishda katta ahamiyatga ega.
Biolaboratoriyalardan foydalanishning yana bir muhim jihati shundaki, ular fermer va dehqonlar uchun iqtisodiy tomondan ham foydali hisoblanadi. Chunki kimyoviy dorilarni kamroq ishlatish xarajatlarni kamaytiradi.
Bugungi kunda ko‘plab fermer xo‘jaliklari, agroklasterlar va qishloq xo‘jaligi tashkilotlari biolaboratoriyalardan faol foydalanmoqda. Bu esa hosildorlikni oshirish va sifatli mahsulot yetishtirishga xizmat qilmoqda.
Hurmatli tinglovchilar! Qishloq xo‘jaligida zamonaviy va ekologik toza usullardan foydalanish kelajak uchun juda muhim. Biolaboratoriyalar ana shunday innovatsion yechimlardan biri bo‘lib, ular nafaqat hosilni himoya qiladi, balki tabiatni ham asrashga yordam beradi.
Tumanimizda bugungi kunda “Piskent Biomahsuloti” MCHJ hamda “Xaydarov Muxiddinxo‘ja” XK biolaboratoriyalari faoliyat yuritmoqda. Ushbu biolaboratoriyalarning mavsumga tayyorgarlik ishlari jarayonida O‘simliklar karantini va himoyasi agentligi Piskent tumani bo‘limi xodimlari tomonidan amaliy yordamlar ko‘rsatilib, kunlik monitoring ishlari olib borilmoqda.
