Yoshlar bilan ochiq muloqot – muammolar yechimiga amaliy qadam

Prezidentimiz Shavkat Mirziyoyev raisligida 24-fevral kuni o‘tkazilgan yoshlar bilan video selektor yig‘ilishida hududlarda yoshlar bilan ishlashni yangi bosqichga olib chiqish bo‘yicha aniq vazifalar belgilab berilgan edi. Xususan, haftaning har payshanba kuni rahbarlar yoshlar bilan ochiq muloqot o‘tkazib, ularning muammo va murojaatlarini bevosita eshitishi zarurligi ta’kidlangan.

Mazkur topshiriq ijrosi doirasida bugun Piskent tumani hokimi Aripov Muzaffar yoshlar bilan ochiq muloqot shaklida uchrashuv o‘tkazdi. Uchrashuvga aynan muammo va murojaati bor yoshlar taklif etildi.

Muloqot davomida ish bilan ta’minlash, tadbirkorlikni yo‘lga qo‘yish, ta’lim, kasb-hunar, uy-joy hamda boshqa ijtimoiy masalalar yuzasidan bildirilgan murojaatlar atroflicha ko‘rib chiqildi. Mas’ul tashkilot rahbarlari ishtirokida har bir masala yuzasidan aniq yechimlar ishlab chiqildi.

Uchrashuv yakunida barcha murojaatlarning ijobiy hal etilishiga erishildi.

Ma’lumot o‘rnida aytish joizki, bunday ochiq muloqotlar tumanda haftaning har payshanba kuni muntazam ravishda davom ettiriladi.