Payariq tumaniga Xitoy Xalq Respublikasining Ninsya avtonom rayoni Shizuishan shahridan delegatsiya tashrif buyurdi.
2026-06-05 14:10:00 / Yangiliklar
Shizuishan shahar Xalq siyosiy maslahat kengashi raisi Chjan Xunvey boshchiligidagi delegatsiya vakillari tashrif davomida tumanimizning qishloq xo‘jaligi salohiyati, zamonaviy agrotexnologiyalarni joriy etish jarayonlari hamda investitsiyaviy imkoniyatlar bilan yaqindan tanishdilar.
Uchrashuv davomida zamonaviy qishloq xo‘jaligi tajribalarini o‘zaro almashish hamda qishloq xo‘jaligi mahsulotlari savdosi yo‘nalishlarida hamkorlik istiqbollari muhokama qilindi.
Shuningdek, delegatsiya vakillari “DIL OYNASI” sut korxonasida bo‘lib, korxonaning ishlab chiqarish faoliyati bilan tanishdilar. Muloqotlar chog‘ida xomashyo yetkazib berish, texnologik hamkorlikni yo‘lga qo‘yish va mahsulotlar savdosini rivojlantirish masalalari yuzasidan fikr almashildi.