Assalomu alaykum, hurmatli  tumandoshlar!

Qadrli tumanimiz mehmonlari!

Avvalo, sizlarni asrlar bag‘ridan kelgan shodiyona, an’analarni abadiyatga aylantirgan ayyom – Navro‘z bayrami bilan chin qalbimdan samimiy muborakbod etaman.

Yangilanish va yasharish timsoli bo‘lgan ushbu ulug‘ ayyom yurtimizga fayzu baraka, xonadonlarimizga totuvlik, qalblarimizga mehr-muhabbat olib kirsin.

Mana shunday fayzli va barakotli kunlarda yurtimizda hukm surayotgan tinchlik va osoyishtalik, xalqimiz o‘rtasidagi hamjihatlik va mehr-oqibat uchun Yaratganga behisob shukronalar aytamiz.

Navro‘z – bu tabiat uyg‘onishi, yangi umid va ezgu niyatlar bayramidir. U asrlar davomida xalqimizning milliy qadriyatlari, urf-odatlari va an’analarini o‘zida mujassam etgan muqaddas ayyom sifatida keng nishonlanadi.

Navro‘z ayyomida keksalarimizni e’zozlash, ehtiyojmand oilalarga ko‘maklashish, mehr-oqibat va saxovatni yanada kuchaytirish barchamizning insoniy burchimizdir. Ayniqsa, yosh avlodni milliy qadriyatlar ruhida tarbiyalash, ularni Vatanga sadoqatli qilib kamol toptirish – ustuvor vazifamiz hisoblanadi.

Qadrli tumandoshlar!

Barchangizni qutlug‘ ayyom bilan yana bir bor tabriklab, o‘zimning qalbimdagi eng samimiy tilaklarimni izhor etaman.

Navro‘zi olam yurtimizga tinchlik-omonlik, baxtu saodat, qut-baraka olib kelsin!

Osmonimiz musaffo, yurtimiz tinch, xalqimiz omon bo‘lsin!

Bayram barchamizga muborak bo‘lsin!

E’tiborlaringiz uchun rahmat!