Jizzax viloyati Paxtakor tumani hokimligi

2025-yilning sentabr oyi boshida Xalq deputatlari Paxtakor tumani Kengashining 7-chaqiriq o‘n uchinchi sessiyasi bo‘lib o‘tdi. Sessiyada tumandagi dolzarb masalalar, ijtimoiy-iqtisodiy rivojlanish yo‘nalishlari, aholining farovonligini oshirishga qaratilgan taklif va qarorlar muhokama qilindi. Kun tartibidagi qator masalalar yuzasidan tegishli qarorlar loyihalari ko‘rib chiqilib, tasdiqlandi.

Sessiya kun tartibidan quyidagi masalalar o‘rin oldi:

1. Tumanda madaniyat muassasalari holati, jismoniy tarbiya va sport bilan shug‘ullanish, ommaviy dam olish joylari uchun infratuzilmaning mavjudligi to‘g‘risida masala muhokama qilinar ekan, ushbu yo‘nalishlarda mavjud infratuzilmalarni rivojlantirish, yoshlar va aholi uchun qulay sharoitlar yaratish bo‘yicha takliflar ilgari surildi.

2. Hududdagi korxona va tashkilot rahbarlarining aholi murojaatlari bilan ishlash holati yuzasidan berilgan hisobotlarda fuqarolar murojaatlari bilan ishlash tizimini takomillashtirish, murojaatlarning o‘z vaqtida va sifatli ko‘rib chiqilishini ta’minlash zarurligi ta’kidlandi.

3. O‘zbekiston Respublikasi Vazirlar Mahkamasining 2024-yil 31-maydagi 313-sonli qarori ijrosi holati ko‘rib chiqilib, bu borada mahalliy darajada amalga oshirilayotgan ishlar, qaror talablarining bajarilish holati yuzasidan tegishli rahbarlarning axborotlari tinglandi.

4. Tuman mahalliy budjeti mablag‘lari hisobidan mablag‘ ajratish to‘g‘risidagi masala doirasida belgilangan yo‘nalishlarga mablag‘lar ajratish hamda ushbu mablag‘larning maqsadli va oqilona sarflanishi yuzasidan qarorlar qabul qilindi.

5. O‘zbekiston Respublikasi Prezidentining 2021-yil 13-apreldagi PQ-5072-sonli hamda Oliy Majlisi Senati Kengashining 2024-yil 30-yanvardagi KQ-666-IV-sonli qarorlariga asosan, hududlarni ijtimoiy-iqtisodiy rivojlantirishga qaratilgan jamoatchilik fikri asosida shakllangan va ovoz berish yakuniga ko‘ra “g‘olib” deb topilgan loyihalarga mablag‘ ajratish masalasi ko‘rib chiqildi.

6. Prezidentning 2024-yil 31-dekabrdagi PQ-468-sonli qarori – “Jizzax viloyatini ijtimoiy-iqtisodiy rivojlantirishni jadallashtirish bo‘yicha qo‘shimcha chora-tadbirlar to‘g‘risida”gi hujjat ijrosi muhokama qilinib, Paxtakor tumanida bu borada amalga oshirilayotgan ishlar yuzasidan axborot berildi.

7. “Dilorom” hamda “Samarqand” mahalla fuqarolar yig‘inlari hududlarida mahalla yettiligi tomonidan 2025-yil yanvar–iyul oylari davomida amalga oshirilgan ishlar yuzasidan axborot tinglandi. Hududlarda olib borilayotgan ijtimoiy, obodonlashtirish va fuqarolarga xizmat ko‘rsatish bo‘yicha qilinayotgan ishlar ijobiy baholandi.

8. Sessiya yakunida Xalq deputatlari Paxtakor tumani Kengashi deputati A. Ashurovning vakolatini muddatidan ilgari tugatish to‘g‘risida masala ko‘rib chiqilib, qonunchilikka muvofiq tegishli qaror qabul qilindi.

Xulosa:

Mazkur sessiya davomida qabul qilingan qarorlar Paxtakor tumanining ijtimoiy-iqtisodiy rivojiga xizmat qiladi. Aholi murojaatlariga e’tibor, infratuzilma va sport sohasini rivojlantirish, mahalla tizimidagi ishlarni kuchaytirish orqali tumanda barqarorlik va taraqqiyotga erishish maqsad qilindi.