Paxtakor tumanidagi 15-sonli maktabda yangi o‘quv yilining boshlanishi munosabati bilan rekonstruksiya qilingan bino foydalanishga topshirildi
2025-09-03 09:00:00 / Yangiliklar
2025-yil 2-sentabr kuni Paxtakor tumani Maktabgacha va maktab ta’limi bo‘limiga qarashli 15-sonli umumiy o‘rta ta’lim maktabida yangi o‘quv yilining boshlanishi munosabati bilan “Vatan uchun, millat uchun, xalq uchun” shiori ostida “Birinchi qo‘ng‘iroq” ma’naviy-ma’rifiy tadbiri bo‘lib o‘tdi.
Tadbir doirasida yangidan rekonstruksiya qilingan maktab binosi tantanali ravishda foydalanishga topshirildi. Yaratilgan zamonaviy sharoitlar o‘quvchilarning bilim olishi, pedagoglarning samarali faoliyat yuritishi uchun keng imkoniyatlar yaratdi.
Tadbirda Paxtakor tumani Maktabgacha va maktab ta’limi bo‘limi vakili G. Xo‘jamgulova, Suvonobod mahalla fuqarolar yig‘ini raisi Huseynov Sh., Yoshlar ishlari agentligining Paxtakor tuman bo‘limi boshlig‘i Lapasov S. hamda faxriy ustozlar ishtirok etdilar.
Tadbir davomida so‘zga chiqqan mehmonlar yangi o‘quv yilining boshlanishi bilan o‘qituvchi va o‘quvchilarni tabriklab, yaratilgan sharoitlar uchun minnatdorchilik bildirdilar hamda bu kabi islohotlar kelajak avlod ta’lim-tarbiyasiga xizmat qilishini ta’kidladilar.
Tadbir yakunida birinchi sinf o‘quvchilari uchun ramziy tarzda “birinchi qo‘ng‘iroq” jarangladi.