Tadbirkorlar bilan ochiq muloqot: muammolar o‘rganildi, zarur ko‘rsatmalar berildi
2025-08-22 11:00:00 / Yangiliklar
Jizzax viloyat prokuraturasining "Nazorat rejasi" ijrosi doirasida Viloyat prokuraturasi bo‘lim prokurori B. Yuldashev tomonidan Paxtakor tumanida faoliyat yuritayotgan tadbirkorlik subyektlari bilan uchrashuv o‘tkazildi.
Uchrashuv davomida iqtisodiy tumandagi faol tadbirkorlar bilan bevosita muloqot o‘rnatilib, ularning faoliyatidagi dolzarb masalalar, to‘siqlar va takliflar tinglandi. O‘rganishlar natijasida ko‘tarilgan muammolarni joyida hal etish, tegishli soha vakillari bilan hamkorlikda huquqiy va amaliy yordam ko‘rsatish yuzasidan mas’ullarga zarur topshiriq va ko‘rsatmalar berildi.
Mazkur tadbir tadbirkorlik subyektlari faoliyatini huquqiy jihatdan qo‘llab-quvvatlash, ularning erkin va barqaror ishlashini ta’minlash hamda mavjud byurokratik to‘siqlarni bartaraf etishga qaratilgan amaliy qadam bo‘ldi.