Paxtakor tumanida erkin iqtisodiy zonadagi korxonalar faoliyati o‘rganildi
2025-08-20 11:00:00 / Yangiliklar
Paxtakor tumani hokimining o‘rinbosari J. Anorboyev va tuman prokurori boshchiligidagi mutasaddi tashkilotlar vakillari tumandagi erkin iqtisodiy zonada joylashgan korxonalar faoliyati bilan tanishdi va mavjud muammolarni o‘rganishdi.
Tashrif davomida "WORLD TRADING COMPANY" QK faoliyati bilan yaqindan tanishildi. Mazkur korxona hozirda antifriz, havo filtrlari va avtomobil ehtiyot qismlari ishlab chiqarish yo‘nalishida faoliyat yuritmoqda.
Tashrif chog‘ida ishlab chiqarish jarayonlari, mahsulot sifati, xodimlarga yaratilgan shart-sharoitlar hamda korxona duch kelayotgan muammolar muhokama qilindi. Mutasaddilar tomonidan mavjud masalalarni bartaraf etish bo‘yicha tegishli choralar belgilandi.