Paxtakor tumani Dilorom mahallasi obodlik sari intilmoqda
2025-08-19 10:00:00 / Yangiliklar
Paxtakor tumanining Dilorom mahallasida obodonlashtirish va infratuzilmani yaxshilash bo‘yicha tizimli ishlar olib borilmoqda. Aholi farovonligini oshirish, hududni yanada chiroyli va qulay holatga keltirish maqsadida turli yo‘nalishlarda obodlik ishlari amalga oshirilmoqda.
Xususan, ko‘chalar tozalanib, yashil hududlar barpo etilmoqda, yoritish tizimlari yangilanmoqda, mahalla ko‘chalarida ichki yo‘llar ta’mirlanmoqda. Aholi vakillari ushbu o‘zgarishlarni mamnuniyat bilan qarshi olib, mahalladagi ijtimoiy faollik ham ortib bormoqda.
Dilorom mahallasidagi bu kabi ijobiy o‘zgarishlar tuman bo‘yicha olib borilayotgan umumiy obodonlashtirish siyosatining amaldagi namunasi bo‘lib xizmat qilmoqda.