Paxtakor tumanida “Ayollar daftari”ning 5-bosqichida amalga oshirilgan ishlar va 6-bosqichida rejalashtirilgan ishlar to‘g‘risida
2025-05-29 10:30:00 / Yangiliklar
Paxtakor tumanida “Ayollar daftari”ning 5-bosqichida amalga oshirilgan ishlar va 6-bosqichida rejalashtirilgan ishlar to‘g‘risida xisoboti.
Paxtakor tumanida xotin-qizlarni qo‘llab-quvvatlash, ularga tadbirkorlik faoliyatini amalga oshirishga ko‘maklashish, shuningdek, xotin-qizlarning huquqlari va qonuniy manfaatlarini himoya qilish borasida amalga oshirilayotgan ishlar
Yurtimizda xotin-qizlarni har tomonlama qo‘llab-quvvatlash, onalik va bolalikni muhofaza qilish, oila mustahkamligini ta’minlash davlat siyosati darajasida ekanligi bilan har qancha faxrlansak arziydi. Bu yo‘nalishdagi ishlar qator farmon va qarorlar orqali mustahkamlanib bormoqda.
O‘zbekiston Respublikasi Vazirlar Mahkamasining 2022-yil 31-martdagi “Xotin-qizlar muammolarini o‘rganish va hal etish tizimini yanada takomillashtirish chora-tadbirlari to‘g‘risi”dagi 145-sonli qarori ijrosini ta’minlash maqsadida Paxtakor tumanida “Ayollar daftari”ni yuritish orqali xotin-qizlar muammolarini tizimli ravishda hal etish va ularni ijtimoiy qo‘llab-quvvatlash ishlari amalga oshirilib kelinmoqda.
Jumladan, Paxtakor tumanida “Ayollar daftari”ga kiritilgan 2 615 nafar xotin-qizlardan 2442 nafari (93 foizi)ga yordam ko‘rsatilgan deb hisobotga kiritilgan, shundan:
Ijtimoiy himoyaga muhtoj ishsiz ayollar (bandligi ta’minlanishi zarur muhtojlar) jami 1950 nafaridan 1950 nafari (100 foiz) shundan 511 nafari qishloq xo‘jaligining turli sohalarida o‘z o‘zini band qilish orqali qolgan 1439 nafari doimiy (asosan pillachilik yo‘nalishida) ish bilan ta’minlangan.
Tadbirkorlik qilish istagida bo‘lgan ehtiyojmand ayollarning 36 nafaridan 26 nafari (72 foiz)ga 516 mln so‘mlik imtiyozli kreditlar ajratilgan.
Boquvchisini yo‘qotgan ehtiyojmand ayollar (boquvchisi bo‘lmagan, qo‘shimcha moddiy yordamga muhtojlar) jami 279 nafardan 205 nafari (73 foiz)ga 154 mln
so‘m miqdorida bir martalik moddiy yordam ajratilgan.
Bundan tashqari shu toifaga kiritilgan bir nafar ayolning oliy o‘quv yurtida taxsil oluvchi farzandiga BHM ning 15 baravari miqdorida shartnoma mablag‘lari “Ayollar daftari” jamg‘armasi mablag‘lari hisobidan to‘labberildi.
Ijtimoiy himoyaga muhtoj I va II guruh nogironligi bo‘lgan ehtiyojmand ayollar (mehnatga qobiliyatsiz, o‘zgalar parvarishiga muhtoj)ning 192 nafardan
154 nafari (80 foiz)ga 116 mln so‘m miqdorida bir martalik moddiy yordam ajratilgan.
Uy-joyga muhtoj ehtiyojmand ayollar (ma’muriy binolar, yerto‘lalar va istiqomat qilish maqsadlariga mo‘ljallanmagan boshqa binolarda yolg‘iz yoki oila a’zolari bilan birgalikda yashayotgan, shuningdek, doimiy yashash uchun turar joyi bo‘lmagan holda uy-joy sharoitini yaxshilashga muhtojlar) jumaladan, ijarada yashovchi ehtiyojmand ayollarning 23 nafaridan to‘liq 16 nafari (70 foiz)ga bugungi kunda uy-joy ijara kompensatsiyasi mablag‘lari oyma-oy (yil yakuniga qadar) o‘tkazib berilmoqda.
Qaramog‘ida nogironligi bo‘lgan bolalari mavjud yolg‘iz ayollarning 135 nafaridan 91 nafari (67 foiz)ga 68 mln 300 ming so‘m miqdorida bir martalik moddiy yordam ajratilgan.
Ayollarning salomatligini tiklash va ularga malakali tibbiy xizmat ko‘rsatish bo‘yicha ham qator tadbirlar ham amalga oshirildi.
Tumanimizda “Ayollar daftariga” kiritilgan 2 615 nafar xotin-qizlardan 1 703 nafari tibbiy ko‘rikdan o‘tkazilib, 1 360 nafari onkologik skrindan o‘tkazildi.
“Ayollar daftari” ro‘yxatida huquqiy yordamga muxtoj 835 nafar xotin-qizlarga tuman adliya bo‘limi, tuman fuqarolik va jinoiy sudlari tomonidan xuquqiy tushunchalar berildi.
Yana “Ayollar daftari”ga kiritilgan 1 080 nafar xotin-qizlarga tumandagi umumta’lim maktablarining tajribali psixologlari tomonidan psixologik yordamlar ko‘rsatildi.