Paxtakor tuman axborot-kutubxona markazida “Kitobxonlik — kelajak poydevori” mavzusida davra suhbati o‘tkazildi
2026-07-06 14:30:00 / Yangiliklar
📚 Paxtakor tuman axborot-kutubxona markazida yoshlar o‘rtasida kitobxonlik madaniyatini keng targ‘ib etish maqsadida “Kitobxonlik — kelajak poydevori” mavzusida davra suhbati tashkil etildi.
Uchrashuvdan ko‘zlangan asosiy maqsad yoshlarning mutolaaga bo‘lgan qiziqishini yanada oshirish, kitobxonlik madaniyatini rivojlantirish hamda kitobning inson kamoloti va jamiyat taraqqiyotidagi beqiyos o‘rni haqida fikr almashishdan iborat bo‘ldi.
Tadbir davomida kitob mutolaasining tafakkurni boyitishi, dunyoqarashni kengaytirishi, mustaqil fikrlashni shakllantirishi va ma’naviy barkamol shaxsni tarbiyalashdagi ahamiyati haqida atroflicha so‘z yuritildi.
Shuningdek, ishtirokchilar o‘zlari sevib mutolaa qilgan kitoblari, ulardan olgan taassurotlari hamda kitobxonlikning hayotdagi o‘rni yuzasidan fikr-mulohazalarini bildirib, o‘zaro tajriba almashdilar.
📖 Bunday ma’rifiy tadbirlar yosh avlodning bilim va tafakkurini yuksaltirish, kitobga mehr uyg‘otish hamda ma’naviy muhitni mustahkamlashga xizmat qilmoqda.