Paxtakor tumani hokimining yoshlar ishlari masalalari bo‘yicha o‘rinbosari F. Qo‘ldoshevning shaxsiy qabuli tashkil etildi
2026-06-20 12:00:00 / Yangiliklar
📌 Paxtakor tumani hokimining yoshlar ishlari masalalari bo‘yicha o‘rinbosari F. Qo‘ldoshev tomonidan fuqarolar uchun navbatdagi shaxsiy qabul o‘tkazildi.
Qabul davomida yoshlar bandligi, tadbirkorlik faoliyatini yo‘lga qo‘yish, kasb-hunar o‘rganish, ta’lim, kredit va subsidiya masalalari hamda boshqa yo‘nalishlardagi murojaatlar atroflicha ko‘rib chiqildi.
Murojaatlarning ayrimlari joyida ijobiy hal etilgan bo‘lsa, qo‘shimcha o‘rganish talab etiladigan masalalar yuzasidan tegishli tashkilot va mutasaddilarga aniq vazifalar yuklatilib, ijrosi nazoratga olindi.
Shaxsiy qabul davomida fuqarolarning taklif va tashabbuslari ham tinglanib, ularni qo‘llab-quvvatlash bo‘yicha tegishli tavsiyalar berildi.
✅ Yoshlarning muammo va takliflarini o‘rganish, ularning bandligini ta’minlash hamda tashabbuslarini qo‘llab-quvvatlash doimiy e’tiborda.