Yoshlar kuni munosabati bilan Paxtakor tumanida yoshlar bilan yana bir muhim uchrashuv tashkil etildi.
2026-03-12 15:00:00 / Yangiliklar
Yoshlar kuni munosabati bilan Paxtakor tumanida yoshlar bilan yana bir muhim uchrashuv tashkil etildi.
Tuman hokimining raqamli texnologiyalar va sun’iy intellektni rivojlantirish bo‘yicha maslahatchisi hamda raqamli iqtisodiyotni joriy etish bo‘yicha loyiha menejeri ishtirokida Oq-buloq MFY, 1-sonli va 2-sonli politexnikumlar hamda Bog‘ishamol MFY pedagogika texnikumi o‘quvchilari bilan mazmunli uchrashuv o‘tkazildi.
Uchrashuvdan ko‘zlangan asosiy maqsad — yoshlarning ilm-fan, innovatsiya va sun’iy intellekt sohalariga bo‘lgan qiziqishini yanada oshirish, ularning tashabbus va innovatsion g‘oyalarini qo‘llab-quvvatlash hamda zamonaviy texnologiyalar imkoniyatlari haqida tushunchalarini kengaytirishdan iborat bo‘ldi.
Tadbir davomida o‘quvchilar bilan ochiq va samimiy muloqot tashkil etilib, ularning kelajak rejalari, yangi g‘oyalari hamda startap loyihalari haqida fikr almashildi. Shuningdek, yoshlar tomonidan bildirilgan taklif va tashabbuslar alohida e’tibor bilan tinglanib, ularni qo‘llab-quvvatlash bo‘yicha zarur tavsiyalar berildi.
Bunday uchrashuvlar yoshlarning zamonaviy bilim va ko‘nikmalarni egallashi, shuningdek, kelajakda raqamli iqtisodiyot rivojiga munosib hissa qo‘shadigan yetuk mutaxassislar bo‘lib yetishishida muhim ahamiyat kasb etadi.