Paxtakor tumanida sog‘liqni saqlash sohasida raqamli texnologiyalar joriy etilishi o‘rganildi
2026-02-27 15:00:00 / Yangiliklar
💻🏥 Paxtakor tumani hokimining raqamli texnologiyalar va sun’iy intellektni rivojlantirish bo‘yicha maslahatchisi tomonidan tumandagi sog‘liqni saqlash muassasalarida raqamli texnologiyalar va sun’iy intellekt imkoniyatlaridan foydalanish holati atroflicha o‘rganildi.
O‘rganish jarayonida tibbiyot sohasida DMED axborot tizimidan keng foydalanish masalalariga alohida e’tibor qaratildi. Mazkur tizimdan vrachlar, hamshiralar hamda aholi tomonidan aniq maqsadlarda foydalanish, tashxis qo‘yish hamda dori-darmon retseptlarini rasmiylashtirish bo‘yicha tushuntirishlar berildi.
Shuningdek, tibbiyot birlashmalari, oilaviy poliklinikalar va qishloq vrachlik punktlarida:
🗂 Elektron tibbiy kartalar yuritilishi
📲 Navbatlarni onlayn boshqarish tizimi
🧪 Laboratoriya va diagnostika jarayonlarida axborot tizimlaridan foydalanish
💻 Mavjud kompyuter texnikalari va internet tezligi
👩⚕️ Xodimlarning raqamli ko‘nikmalari
batafsil tahlil qilindi.
Mas’ullarga aniqlangan muammo va kamchiliklarni qisqa muddatlarda bartaraf etish, xodimlarning raqamli savodxonligini oshirish bo‘yicha o‘quv-seminarlar tashkil etish hamda bosqichma-bosqich yangi elektron tizimlarni amaliyotga joriy etish yuzasidan aniq topshiriqlar berildi.
Muhokamalar davomida zamonaviy axborot-kommunikatsiya texnologiyalarini keng joriy etish, sun’iy intellekt asosida tahliliy dasturlardan foydalanish, tibbiy ma’lumotlarni yagona elektron bazada jamlash hamda xizmatlar sifatini oshirish masalalari ko‘rib chiqildi.
Mazkur yo‘nalishdagi ishlar izchil davom ettirilib, sog‘liqni saqlash sohasida raqamli transformatsiyani jadallashtirish orqali aholiga ko‘rsatilayotgan tibbiy xizmatlar sifati va qulayligini yanada oshirishga alohida e’tibor qaratiladi. 🇺🇿✨