Paxtakor tumanida tomorqa yerlaridan samarali foydalanish bo‘yicha ko‘rgazmali seminar o‘tkazildi
2026-02-19 09:30:00 / Yangiliklar
📍 Paxtakor tumanida aholi tomorqalari hamda ijaraga ajratilgan yer maydonlarida bahorgi ekinlarga tayyorgarlik ko‘rish, ko‘chat va urug‘liklar yetkazib berish masalalari yuzasidan Bog‘ishamol mahallasida yosh tadbirkor Ahmedov Jamshid xonadonida ko‘rgazmali seminar tashkil etildi.
Seminarda hokim o‘rinbosarlari, Kambag‘allikni qisqartirish va bandlik bo‘limi xodimlari, Fermerlar kengashi, tijorat banklari vakillari, mahallalardagi hokim yordamchilari hamda tadbirkorlik faoliyatiga qiziquvchi yoshlar ishtirok etdi.
Tadbir davomida yosh tadbirkor Jamshid tomonidan issiqxonani samarali tashkil etish, daromad olish yo‘llari, xarajat va foyda tahlili yuzasidan batafsil ma’lumot berildi. Shuningdek, imtiyozli kreditlar ajratish tartibi bo‘yicha hokim yordamchisi va tijorat banklari mutaxassislari tomonidan tushuntirishlar berildi.
Seminar yakunida ishtirokchilar o‘zlarini qiziqtirgan savollarga atroflicha javob oldilar.