Paxtakor tumani hokimi muddatli harbiy xizmatni o‘tayotgan askarlar bilan uchrashdi.
2026-01-25 13:00:00 / Yangiliklar
O‘zbekiston Respublikasi Harbiy xavfsizlik va mudofaa universiteti hamda Harbiy aviatsiya instituti tasarrufidagi harbiy qismda Paxtakor tumani hokimligi bilan hamkorlikda “Rahbar va askarlar uchrashuvi” nomli ma’naviy-ma’rifiy tadbir tashkil etildi.
Tadbirda tuman hokimi Abduvoxidov Xusan Bo‘ltakovich O‘zbekiston Respublikasi Prezidenti, Qurolli Kuchlar Oliy Bosh Qo‘mondoni Shavkat Miromonovich Mirziyoyev raisligida 13-yanvar kuni bo‘lib o‘tgan Xavfsizlik kengashi yig‘ilishida belgilangan ustuvor vazifalar hamda muddatli harbiy xizmatchilarga yaratilayotgan imkoniyatlar haqida so‘z yuritdi.
Uchrashuv davomida askarlar o‘zlarini qiziqtirgan savollarga batafsil javoblar oldilar.
Tuman hokimi tomonidan Vatanga sadoqat bilan xizmat qilayotgan harbiylarimizga minnatdorlik bildirilib, ularning fidokorona mehnati e’tirof etildi.