📊 Aholi va qishloq xo‘jaligini ro‘yxatga olish bo‘yicha o‘quv seminari bo‘lib o‘tdi
2026-01-09 17:00:00 / Yangiliklar
Paxtakor tumani hokimligida O‘zbekiston Respublikasi Prezidentining PF–173-sonli Farmoni ijrosini ta’minlash maqsadida aholi va qishloq xo‘jaligini ro‘yxatga olish bo‘yicha o‘quv seminari tashkil etildi.
Seminarda mahalla yettiligi vakillari — mahalla raisi, hokim yordamchisi, yoshlar yetakchisi, xotin-qizlar faoli, profilaktika inspektori, ijtimoiy xodim hamda soliq organlari xodimlari ishtirok etdi.
Ular belgilangan grafik asosida ro‘yxatga olish jarayonining maqsad va vazifalari, uni amalga oshirish tartibi hamda elektron tizimlardan foydalanish bo‘yicha zarur bilimlarga ega bo‘ldilar.
👨💼 Mutaxassislar tomonidan ro‘yxatga olish ishlarini aniqlik, xolislik va mas’uliyat bilan olib borish yuzasidan amaliy tavsiyalar berildi.
📈 Ushbu seminar statistik ma’lumotlarning ishonchliligini ta’minlash hamda hududlarni rivojlantirish bo‘yicha muhim qarorlar qabul qilishda muhim ahamiyat kasb etadi.