Jizzax viloyati Paxtakor tumani hokimligi

Paxtakor tumani rahbarlari tomonidan Bog‘ishamol mahallasi hududida joylashgan Pedagogika texnikumida o‘rganish ishlari olib borildi. Mazkur tashrifdan ko‘zlangan asosiy maqsad ta’lim muassasasida qish mavsumiga tayyorgarlik holatini baholash, issiqlik tizimlarining ishlash holatini ko‘zdan kechirish hamda ta’lim jarayonining uzluksizligini ta’minlashdan iborat bo‘ldi.

O‘rganish jarayonida texnikumda olib borilayotgan ta’lim faoliyati, dars xonalaridagi issiqlik haroratlari, mavjud ko‘mir zaxiralari bilan ta’minlanganlik darajasi hamda muassasada tashkil etilgan tadbirkorlik faoliyatlari atroflicha ko‘zdan kechirildi.

Shuningdek, mavjud sharoitlar, aniqlangan kamchiliklar va kelgusida amalga oshirilishi lozim bo‘lgan vazifalar yuzasidan mas’ul tashkilotlar va mutasaddi shaxslarga tegishli topshiriq hamda ko‘rsatmalar berildi.

Mazkur jarayonda Paxtakor tumani hokimi Xusan Abduvoxidov, tuman prokurori Xayrullo Gaziyev, tuman Ichki ishlar bo‘limi boshlig‘i Yoqubjon Akaboyev hamda mutasaddi tashkilotlar vakillari ishtirok etdilar.