O‘zini o‘zi band qilgan shaxslar 31 dekabrga qadar ijtimoiy soliqni to‘lab, ish stajiga ega bo‘lishlari mumkin.
2025-12-23 09:00:00 / Yangiliklar
Bugungi kunda o‘zini o‘zi band qilgan shaxslar uchun ijtimoiy soliq to‘lab ish stajiga ega bo‘lish imkoniyati yaratilgan. Bunda o‘zini o‘zi band qilgan shaxs bazaviy hisoblash miqdori (bugungi kunda 412 ming so‘m)da 1 yilda 1 marotaba ijtimoiy soliqni to‘lasa, 1 yillik ish stajiga ega bo‘ladi.
🗓 Mazkur ijtimoiy soliqni to‘lash muddati oldin 1 dekabrga qadar bo‘lgan bo‘lsa, 2025 yil yanvardan boshlab 31 dekabrga qadar uzaytirilgan.
☝️Kelajakdagi pensiyangizga befarq bo‘lmang. Tezroq ijtimoiy soliq to‘lab, 2025 yil uchun ish stajiga ega bo‘lishga ulgurib qoling.
✅ Ijtimoiy soliq to‘lovini coliq organlarida yoki "Soliq","Xazna", "Click" mobil ilovalari orqali onlayn ham amalga oshirishingiz mumkin