O‘zbekiston Respublikasi Prezidentining 2021-yil 13-apreldagi PQ-5072-sonli qaroriga asosan Paxtakor tumanida 2025-yil 3-choragi davomida amalga oshirilgan ishlar to‘g‘risida
2025-11-21 09:00:00 / Yangiliklar
kengash.gov.uz VII-15-156-3-52-K/25
XALQ DEPUTATLARI PAXTAKOR TUMANI KENGASHINING
Q A R O R I
2025-yil 15-oktabr VII-15-156-3-52-K/25 Paxtakor tumani
O‘zbekiston Respublikasi Prezidentining 2021-yil 13-apreldagi PQ-5072-sonli qaroriga asosan Paxtakor tumanida 2025-yil 3-choragi davomida amalga oshirilgan ishlar to‘g‘risida
O‘zbekiston Respublikasi Prezidentining 2021-yil 13-apreldagi “Budjet jarayonida fuqarolarning faol ishtirokini ta’minlash bo‘yicha qo‘shimcha choratadbirlar to‘g‘risida”gi PQ-5072-sonli hamda O‘zbekiston Respublikasi Oliy Majlisi Senati Kengashining 2024-yil 30-yanvardagi KQ-666-IV-sonli qarorlari ijrosini ta’minlash maqsadida va O‘zbekiston Respublikasi “Mahalliy davlat hokimiyati to‘g‘risida”gi Qonunining 6 va 24-moddalariga asosan, xalq deputatlari tuman Kengashi QAROR QILADI:
1. 2025-yil 3-choragi davomida jamoatchilik fikri asosida shakllantirilgan tadbirlarni moliyalashtirishga yo‘naltirilgan mablag‘lar yuzasidan tuman iqtisodiyot va moliya bo‘limi boshlig‘ining birinchi o‘rinbosari A.Uzoqovning hisoboti ma’lumot uchun qabul qilinsin.
2. 2025-yil 3-choragi davomida jamoatchilik fikri asosida shakllantirilgan tadbirlarni moliyalashtirishga yo‘naltirilgan mablag‘lar, ya’ni tashabbusli budjetlashtirish natijalari bo‘yicha ma’lumotlar 1 va 2-ilovaga asosan; - 2025-yil 3-choragi davomida Fuqarolar tashabbusi jamg‘armasidan jamoatchilik fikri asosida shakllantirilgan (g‘olib deb topilgan) tadbirlarni moliyalashtirish uchun yo‘naltirilgan mablag‘lar yuzasidan maʼlumotlar 3-ilovaga asosan tasdiqlansin.
3. Tuman iqtisodiyot va moliya bo‘limi boshlig‘ining birinchi o‘rinbosari A.Uzoqov, tuman hokimligi axborot xizmati (R.Qurbonov) Tashabbusli budjetlashtirish natijalari bo‘yicha ma’lumotlar keltirilgan ilovalarga muvofiq shakllarda “Ochiq budjet” axborot portali hamda hokimlikning rasmiy veb-saytiga joylashtirish vazifasi yuklatilsin.
4. Ushbu qaror ijrosini nazorat qilish xalq deputatlari Paxtakor tumani Kengashining “Mahalliy budjet, iqtisodiy islohotlarni amalga oshirish, investitsiyalar va tadbirkorlikni rivojlantirish” masalalari bo‘yicha doimiy komissiyasi raisi Z.Jumaboyev va tuman hokimining birinchi o‘rinbosari Sh.Shodmonov zimmalariga yuklatilsin.
5. Ushbu qaror qabul qilingan kundan kuchga kiradi.