🏫 2-son davlat maktabgacha ta’lim tashkiloti yangilangan qiyofada foydalanishga topshirildi
2026-08-25 12:00:00 / Yangiliklar
Paxtachi tumani Chorgusha mahallasida joylashgan 2-son davlat maktabgacha ta’lim tashkiloti 2022-yilda 120 o‘rinli qilib qurilib, foydalanishga topshirilgan.
Bugungi kunda ta’lim tashkilotida 31 nafar xodim, jumladan, 14 nafar pedagog faoliyat yuritib, 140 nafar tarbiyalanuvchiga ta’lim-tarbiya berib kelmoqda.
Pedagog xodimlarning 6 nafari oliy ma’lumotli, 6 nafari tugallanmagan oliy ma’lumotli, 2 nafari o‘rta maxsus ma’lumotli mutaxassislardan iborat.
🌟 2026-yil avgust oyida tashkilotda tuman prokurori tashabbusi bilan joriy ta’mirlash ishlari amalga oshirildi. Jumladan, ta’lim tashkiloti hududi to‘liq asfaltlandi, binoning ichki va tashqi devorlari ta’mirlanib, muassasa zamonaviy qiyofaga keltirildi.
Yaratilgan yangilangan va obod muhit bolajonlarning ta’lim-tarbiya olishi uchun yanada qulay sharoit yaratmoqda.
Bugun 25-avgust kuni ushbu 2-son Davlat maktabgacha ta'lim tashkiloti tantanali foydalanishga topshirildi. Unda tuman hokim o'rinbosari, Oila va xotin-qizlar bo'limi boshlig'i Ibodat Juraqulova hamda tuman Maktabgacha va maktab ta'limi bo'lim boshlig'i Anvar Nosirovlar ishtirok etishdi. O'z so'zlarida yig'ilganlarni O'zbekiston Respublikasi Mustaqilligining 35 yilligi bilan tabrikladilar.
👧👦 Bolajonlar ta’limi va tarbiyasi — e’tiborimiz markazida!
Biz👉https://myurls.co/paxtachi_tumani