Oilalar mustahkamligini ta’minlash, ajrimlarning oldini olish borasidagi ishlar haqida
2026-08-05 17:00:00 / Matbuot anjumanlari
Hurmatli ommaviy axborot vositalari vakillari, aziz ishtirokchilar!
Bugungi brifingimiz oilalar mustahkamligini ta’minlash, ajrimlarning oldini olish hamda ushbu yo‘nalishda Paxtachi tumanida amalga oshirilayotgan ishlar va erishilgan natijalarga bag‘ishlanadi.
Oila – jamiyatning eng muhim va muqaddas bo‘g‘ini hisoblanadi. Mamlakatimizda oila institutini mustahkamlash, sog‘lom ma’naviy muhitni qaror toptirish, nizoli oilalarni barvaqt aniqlash va ular bilan manzilli ishlash davlat siyosatining ustuvor yo‘nalishlaridan biri etib belgilangan.
Shu maqsadda tuman hokimligi, Oila va xotin-qizlar bo‘limi, mahallalar, huquqni muhofaza qiluvchi organlar hamda hamkor tashkilotlar bilan birgalikda tizimli ishlar amalga oshirilmoqda.
Amalga oshirilgan ishlar
2026 yil uchun belgilangan ko‘rsatkichlarga muvofiq oila institutini mustahkamlash, ijtimoiy-ma’naviy muhit barqarorligini ta’minlash hamda mahallalarda nizoli oilalarni barvaqt aniqlash va sog‘lom turmush tarziga qaytarish bo‘yicha 99 nafar bilan ishlash rejalashtirilgan.
2025 yilda mazkur yo‘nalishda 125 nafar fuqaro bilan amaliy ishlar olib borilgan.
2026 yilning:
- I choragida reja 7 nafarni tashkil etgan bo‘lib, 7 nafar bilan ishlandi va reja 100 foizga bajarildi.
- II choragida reja 18 nafar bo‘lib, amalda 18 nafar bilan ishlandi va ko‘rsatkich 100 foizga ijro etildi.
Shuningdek, nikohga kiruvchi yoshlarni oilaviy hayotga tayyorlash bo‘yicha ham samarali ishlar amalga oshirilmoqda.
2026 yil uchun 938 nafar yoshni o‘quvlarga jalb etish rejalashtirilgan.
Jumladan:
- I chorakda reja – 236 nafar, amalda – 236 nafar, ijro – 100 foiz.
- II chorakda reja – 252 nafar, amalda – 252 nafar, ijro – 100 foiz.
Bu ko‘rsatkichlar yoshlarning oilaviy hayotga tayyorligini oshirish, oilaviy munosabatlarda mas’uliyatni kuchaytirish hamda ajrimlarning oldini olishda muhim ahamiyat kasb etmoqda.
Ajrimlar tahlili
2026 yil I yarim yillik yakunlariga ko‘ra, Paxtachi tumanida ajrimlar soni 2025 yilning shu davridagi 116 tadan 2026 yilda 104 taga tushdi.
Natijada ajrimlar soni 12 taga yoki 10,3 foizga kamaydi.
Bu esa profilaktik ishlar, mahallalarda tashkil etilgan yarashtirish komissiyalari, xotin-qizlar faollari, nuroniylar hamda mutasaddi tashkilotlarning hamkorlikdagi ishlari samarasi hisoblanadi.
Ajrimlar kamaygan mahallalar
Quyidagi mahallalarda ijobiy natijalarga erishildi:
- Boltali MFY – 6 tadan 1 taga;
- Zarafshon MFY – 6 tadan 2 taga;
- Istiqlol MFY – 7 tadan 4 taga;
- Jona MFY – 3 tadan 0 taga;
- To‘g‘olon MFY – 3 tadan 0 taga;
- Guliston MFY – 2 tadan 0 taga;
- Keshtali MFY – 2 tadan 0 taga;
- Quvondiq MFY – 2 tadan 0 taga;
- Sardoba MFY – 1 tadan 0 taga;
- Toshko‘prik MFY – 1 tadan 0 taga;
- Mirza Olim nomli MFY – 1 tadan 0 taga;
- Ukrash MFY – 3 tadan 1 taga;
- Hunarmand MFY – 3 tadan 1 taga.
Ajrimlar o‘zgarmagan mahallalar
Quyidagi mahallalarda ajrimlar soni o‘tgan yil darajasida saqlanib qoldi:
- Amirobod;
- Burqut;
- Bo‘ston;
- Gulobod;
- Yobu;
- Ko‘rpa;
- Qirg‘uli;
- Chorgo‘sha;
- Yangiobod.
Ajrimlar oshgan mahallalar
Ayrim mahallalarda ajrimlar soni oshganligi kuzatildi.
Jumladan:
- Do‘ng – 1 tadan 3 taga;
- Jahonobod – 2 tadan 3 taga;
- Mirzo Ulug‘bek – 2 tadan 4 taga;
- Mirkan – 2 tadan 4 taga;
- Nayman – 1 tadan 3 taga;
- Saroy – 2 tadan 3 taga;
- Suluvqo‘rg‘on – 1 tadan 3 taga;
- Qaynarbuloq – 1 tadan 2 taga;
- Qoratepa – 1 tadan 2 taga;
- Taraqqiyot – 1 tadan 2 taga;
- Fay – 1 tadan 2 taga;
- Hayit Elbegi – 1 tadan 2 taga;
- Chashma – 1 tadan 2 taga.
Shuningdek, avval ajrim qayd etilmagan ayrim mahallalarda ham joriy yilda ajrimlar qayd etildi:
- Dabusqal’a;
- Qarnabota;
- Qo‘shhovuz;
- Mirza Salimiy nomli MFY;
- Urg‘uch;
- Farovon Yo‘ldoshobod;
- Shamsnazar.
Ushbu mahallalarda har bir oila kesimida tahlil o‘tkazilib, manzilli chora-tadbirlar belgilangan.
Kelgusidagi ustuvor vazifalar
Kelgusida quyidagi yo‘nalishlarda ishlar yanada kuchaytiriladi:
- nizoli oilalarni barvaqt aniqlash va ular bilan individual ishlash;
- mahalla "ettiligi" faoliyatini kuchaytirish;
- psixolog, mediator va nuroniylar ishtirokida yarashtirish ishlarini kengaytirish;
- yoshlarni nikohga tayyorlash kurslari qamrovini oshirish;
- ijtimoiy himoyaga muhtoj oilalarni manzilli qo‘llab-quvvatlash;
- ajrimlar ko‘paygan mahallalar bo‘yicha alohida "yo‘l xaritalari" asosida ishlash;
- oilaviy qadriyatlarni targ‘ib qiluvchi ma’naviy-ma’rifiy tadbirlarni ko‘paytirish.
Xulosa
Hurmatli ishtirokchilar!
2026 yil I yarim yillik yakunlari shuni ko‘rsatmoqdaki, Paxtachi tumanida oilalar mustahkamligini ta’minlash va ajrimlarning oldini olish bo‘yicha amalga oshirilgan tizimli ishlar natijasida ajrimlar soni 116 tadan 104 taga kamayib, 10,3 foizga qisqardi.
Bu boradagi ishlar davom ettirilib, ayniqsa ajrimlar o‘sgan mahallalarda manzilli chora-tadbirlar, profilaktika va oilalar bilan individual ishlash yanada kuchaytiriladi.
Asosiy maqsadimiz – har bir oilaning tinchligi, farovonligi va mustahkamligini ta’minlash, farzandlar kamoloti uchun sog‘lom oila muhitini yaratishdan iborat.
Video https://www.facebook.com/share/v/18hRbcSQhT/
E’tiboringiz uchun rahmat!