Nodavlat MTTlar faoliyati muhokama qilindi
2025-06-23 12:25:00 / Yangiliklar
Oqoltin tumanida faoliyat yuritayotgan nodavlat maktabgacha ta'lim tashkilotlari rahbarlari ishtirokida ishchi yig‘ilish tashkil etildi.
Uchrashuvda nodavlat bog‘chalar faoliyatini tartibga solish, ta’lim sifati va tashkiliy masalalar, shuningdek, huquqiy hamda moliyaviy mas’uliyat yuzasidan bir qator dolzarb mavzular muhokama qilindi. Tashkilotlar tomonidan sanitariya-gigiyena talablari, ruxsat etuvchi hujjatlar bilan ishlash va ochiqlik tamoyillariga qat’iy amal qilinishi zarurligi alohida ta’kidlandi.
Shuningdek, davlat-xususiy sheriklik asosidagi imkoniyatlar, mavjud imtiyozlar va qo‘llab-quvvatlov mexanizmlari yuzasidan atroflicha tushuntirishlar berildi.
Mazkur yig‘ilish nodavlat MTTlar faoliyatini tizimli tashkil etish, ularning davlat bilan samarali hamkorligini yo‘lga qo‘yish va bolajonlar uchun yanada qulay sharoitlar yaratishga xizmat qilishi bilan ahamiyatli bo‘ldi.