Mehnat munosabatlarida xavfsiz va hurmatga asoslangan iş muhitini şakllantirişga qaratilgan maxsus öquv-treninglar ötkazilmoqda.
2026-11-10 10:30:00 / Yangiliklar
Oqoltin tumanida davlat organlari va taşkilotlarining mas’ul xodimlari uçun mehnat munosabatlarida xavfsiz va hurmatga asoslangan iş muhitini şakllantirişga qaratilgan maxsus öquv-treninglar ötkazilmoqda.
Mazkur tadbir Özbekiston Respublikasi Prezidentining 2026-yil 21-sentabrdagi “Mehnat sohasida xavfsiz va hurmatga asoslangan iş muhitini ta’minlaş çora-tadbirlari töğrisida”gi PQ-345-son qarori hamda Vazirlar Mahkamasining 2026-yil 28-sentabrdagi 518-son qarorida belgilangan vazifalar ijrosi doirasida taşkil etilgan.
Tört kunlik öquv-treninglardan közlangan asosiy maqsad — mehnat sohasida tazyiq va zöravonlikning oldini oliş, xodimlarning huquqlari va qonuniy manfaatlarini himoya qiliş, taşkilotlarda soğlom ma’naviy-psixologik muhitni qaror toptiriş hamda xavfsiz mehnat şaroitlarini ta’minlaş borasida mas’ul xodimlarning bilim va amaliy könikmalarini oşirişdan iborat.
Öquv maşğulotlari davomida iştirokçilarga amaldagi qonunçilik talablari, mehnat munosabatlarida yuzaga kelişi mumkin bölgan tazyiq va zöravonlik holatlarining oldini oliş mexanizmlari, bunday vaziyatlarda mas’ul xodimlarning vazifalari hamda xodimlar huquqlarini himoya qiliş tartiblari yuzasidan batafsil tuşuntirişlar berilmoqda.