Oqoltin tumanida Korrupsiyaga qarshi kurashish bo‘yicha viloyat kengashining navbatdagi sayyor yig‘ilishi bo‘lib o‘tdi.
2026-09-08 14:55:00 / Yangiliklar
Unda korrupsiyaning oldini olish, unga qarshi tizimli kurashish, ayniqsa, maishiy korrupsiyaga barham berish hamda jamiyatda korrupsiyaga nisbatan murosasiz munosabatni shakllantirish masalalari muhokama qilindi.
Tadbirda O‘zbekiston Respublikasi Oliy Majlisi Senati a’zosi Pokiza Axmedjanova, viloyat prokurori o‘rinbosari, sohaga mas'ul viloyat hamda tuman tashkilotlari rahbarlari ishtirok etdi.
Kun tartibidagi masalalar doirasida tasdiqlangan “yo‘l xaritasi” ijrosi yuzasidan mas’ul tashkilotlarning hisobotlari tinglandi. Aniqlangan muammolar yuzasidan tegishli topshiriqlar berilib, korrupsiyaviy xavflarning oldini olish va mavjud kamchiliklarni bartaraf etish bo‘yicha aniq amaliy vazifalar belgilandi.
Yig‘ilish yakunida belgilangan vazifalar ijrosini ta’minlash, bu boradagi ishlarni tizimli tashkil etish va natijadorlikni oshirish yuzasidan mas’ullarga tegishli ko‘rsatmalar berildi