“Yoshlar kuni” doirasida otaliqqa olingan yoshlar bilan uchrashuv o‘tkazildi
2026-07-20 13:05:00 / Yangiliklar
“Yoshlar kuni” munosabati bilan Oqoltin tumanida tuman hokimi hamda tuman Ichki ishlar bo‘limi boshlig‘i tomonidan otaliqqa olingan yoshlar bilan uchrashuv tashkil etildi.
Uchrashuvdan ko‘zlangan asosiy maqsad yoshlarning muammolarini o‘rganish, ularni har tomonlama qo‘llab-quvvatlash, bandligini ta’minlash, ta’lim va kasb-hunar egallashi uchun yaratilayotgan imkoniyatlar haqida ma’lumot berish hamda ular bilan ochiq muloqot o‘tkazishdan iborat bo‘ldi.
Tadbir davomida yoshlar o‘zlarini qiziqtirayotgan masalalar yuzasidan murojaat va takliflarini bildirdilar. Ularning bandlik, ta’lim, kasb-hunar egallash hamda ijtimoiy qo‘llab-quvvatlash bilan bog‘liq masalalari atroflicha muhokama qilinib, har bir murojaat bo‘yicha tegishli mutasaddilarga aniq vazifalar belgilandi.