Sirdaryo viloyati Oqoltin tuman hokimligi

Tadbirda Oqoltin tumani hokimi X.Y. Suvonov hamda tuman Ichki ishlar bo‘limi boshlig‘i, podpolkovnik H.T. Bekmuradov so‘zga chiqib, mamlakatimizda korrupsiyaga qarshi kurashish borasida amalga oshirilayotgan islohotlar, davlat organlari faoliyatida shaffoflik va hisobdorlikni kuchaytirish, fuqarolarning huquq va manfaatlarini himoya qilish yuzasidan olib borilayotgan ishlarning mazmun-mohiyatini keng yoritib berdilar.

Ta‘kidlanganidek, bugungi kunda davlat boshqaruvi tizimida halollik tamoyillarini qaror toptirish, xizmat vazifalarini vijdonan bajarish, mansab vakolatlaridan shaxsiy manfaat yo‘lida foydalanishga yo‘l qo‘ymaslik har bir rahbar va xodimning asosiy burchidir. Shu bois davlat tashkilotlarida korrupsiyaviy xavf-xatarlarni aniqlash va bartaraf etish, manfaatlar to‘qnashuvining oldini olish hamda ochiq va adolatli ish yuritish tizimini mustahkamlash dolzarb vazifa ekani qayd etildi.

Shuningdek, yig‘ilishda kiberxavfsizlik masalalari korrupsiyaga qarshi kurashning muhim yo‘nalishlaridan biri sifatida ko‘rib chiqildi. Raqamli texnologiyalar keng joriy etilayotgan sharoitda axborot tizimlarini himoya qilish, elektron ma‘lumotlarning daxlsizligini ta‘minlash va noqonuniy aralashuvlarning oldini olish davlat organlari faoliyatining shaffofligini ta‘minlashga xizmat qilishi alohida ta‘kidlandi.

Tadbir davomida ishtirokchilarga korrupsiyaning kelib chiqish sabablari, uning salbiy oqibatlari, korrupsiyaviy holatlar haqida xabar berish tartibi, shuningdek, kiberfiribgarlik va axborot xavfsizligiga oid tahdidlarning oldini olish bo‘yicha amaliy tavsiyalar berildi.

Yakunda davlat tashkilotlari rahbarlari va mas‘ul xodimlarni korrupsiyaga qarshi murosasiz munosabatni shakllantirish, halollik va ochiqlik tamoyillariga qat‘iy amal qilish, axborot resurslarini ishonchli himoya qilish hamda korrupsion va kiberjinoyatlarga qarshi kurashish borasidagi targ‘ibot ishlarini yana-da kuchaytirish muhim ekani alohida ta‘kidlandi.