Sirdaryo viloyati Oqoltin tuman hokimligi

Bosh prokuratura huzuridagi Departament tomonidan o‘tkazilgan tergovga qadar tekshiruv davomida Koreya Respublikasiga mehnat migranti sifatida ishga yuborish jarayonida korrupsion sxema tashkil etgan uyushgan jinoiy guruh faoliyati aniqlandi.

Dastlabki tergov ma‘lumotlariga ko‘ra, uyushgan guruh 230 nafar fuqaroni Koreyaga yuborish evaziga 580 ming AQSH dollari, shuningdek Koreyaga yuborilgan 1 000 nafar fuqarodan noqonuniy tarzda 5,6 million AQSH dollari olgan.

Mazkur holat bo‘yicha jabr ko‘rgan fuqarolardan O‘zbekiston Respublikasi Bosh prokuraturasi huzuridagi iqtisodiy jinoyatlarga qarshi kurashish departamentining Oqoltin tumani bo‘limi ishonch telefoniga +998672431027 murojaat qilish so‘raladi.