Oqoltin tumani delegatsiyasi hamda Chengdu shahri rahbariyati bilan o‘tkazilgan muloqot davomida ikki tomonlama hamkorlik istiqbollari muhokama qilinib, o‘zaro hamdo‘stlik memorandumi imzolandi.
2026-05-17 12:00:00 / Yangiliklar
Mazkur hujjat savdo-iqtisodiy aloqalarni kengaytirish, investitsion loyihalarni qo‘llab-quvvatlash hamda ishlab chiqarish va tadbirkorlik yo‘nalishlarida yangi imkoniyatlarni yaratishga xizmat qilishi qayd etildi.
Uchrashuv davomida Xitoyning yirik investor va ishbilarmon doiralari bilan hamkorlikni yo‘lga qo‘yish, zamonaviy loyihalarni amalga oshirish hamda hududga xorijiy investitsiyalarni faol jalb etish masalalariga alohida e‘tibor qaratildi.
Tomonlar mazkur tashrif ikki hudud o‘rtasidagi amaliy hamkorlikni yangi bosqichga olib chiqishi, kelgusida esa yirik qo‘shma loyihalar uchun mustahkam poydevor yaratishini ta‘kidladilar.