Oqoltin tumani Adliya bo‘limi tomonidan korrupsiyani oldini olish hamda ochiqlik va shaffoflikni ta’minlash masalalariga bag‘ishlangan matbuot anjumani o‘tkazildi
2026-02-21 16:35:00 / Yangiliklar
Oqoltin tumani Adliya bo‘limi tomonidan korrupsiyaning oldini olish, davlat organlari faoliyatida ochiqlik va shaffoflikni ta’minlash hamda aholining huquqiy madaniyatini oshirish masalalariga bag‘ishlangan matbuot anjumani tashkil etildi.
Tadbirda Oqoltin tumani Adliya bo‘limi mas’ullari, ommaviy axborot vositalari vakillari hamda jamoatchilik faollari ishtirok etdi. Anjuman davomida adliya organlari tomonidan korrupsiyaga qarshi kurashish, fuqarolarning huquq va manfaatlarini himoya qilish, davlat xizmatlari ko‘rsatishda ochiqlikni ta’minlash borasida amalga oshirilayotgan ishlar haqida ma’lumot berildi.
Ta’kidlanganidek, adliya organlari tomonidan korrupsiyaning oldini olish, fuqarolar murojaatlarini o‘z vaqtida va sifatli ko‘rib chiqish, davlat xizmatlarini shaffof va qulay tarzda taqdim etish hamda aholining huquqiy ongini oshirishga alohida e’tibor qaratilmoqda. Shuningdek, fuqarolar va tadbirkorlik subyektlariga ko‘rsatilayotgan huquqiy xizmatlar sifati doimiy ravishda takomillashtirib borilayotgani qayd etildi.