Nodavlat maktabgacha ta’lim tashkilotlari faoliyati tanqidiy-tahliliy ruhda ko‘rib chiqildi
2026-02-11 09:50:00 / Yangiliklar
Yig‘ilishda viloyat hokimi o‘rinbosari Otabek Mavlonberdiyev, Maktabgacha va maktab ta’limi bo‘limi mas’ullari, nodavlat maktabgacha ta’lim tashkilotlari rahbarlari, shuningdek, tegishli mutasaddi idoralar vakillari ishtirok etdi.
Muhokamalar davomida nodavlat maktabgacha ta’lim tashkilotlarida ta’lim sifati, tarbiyaviy jarayonlarning samaradorligi, sanitariya-gigiyena talablariga rioya etilishi, pedagog kadrlar malakasi hamda mavjud muammolar atroflicha tahlil qilindi. Ayrim tashkilotlar faoliyatida aniqlangan kamchiliklar tanqidiy baholanib, ularni bartaraf etish yuzasidan aniq vazifalar belgilab berildi.
Yig‘ilish yakunida mas’ullarga tizimli nazoratni kuchaytirish, ta’lim sifatini oshirish va bolalar uchun xavfsiz hamda zamonaviy sharoitlar yaratish bo‘yicha tegishli topshiriqlar berildi.