Oqoltin tumani hokimi Xusnitdin Suvonov o‘ziga biriktirilgan yoshlar bilan ochiq va samimiy muloqot o‘tkazdi.
2026-01-19 10:45:00 / Yangiliklar
Uchrashuv davomida yoshlar kelgusi rejalarini, orzu‑intilishlarini va mehnat bozoridagi imkoniyatlarni muhokama qilishdi.
Shundan so‘ng, hokim yoshlarni ish jarayoni bilan yaqindan tanishtirdi. Ular xizmat xonasida kundalik ish jarayonini kuzatish imkoniga ega bo‘ldi. Bu yoshlar uchun hokimiyat ishini yaqindan o‘rganish va amaliy tajriba olish imkoniyati bo‘ldi.
Tuman rahbari yoshlarga o‘z salohiyatlarini rivojlantirish, jamiyatdagi faol rolni egallash va kelajakdagi liderlik qobiliyatlarini shakllantirish muhimligini ta’kidladi. Uchrashuv so‘ngida yoshlar o‘z savollarini berib, taklif va g‘oyalarini bildirdi, hokim esa ularga amaliy maslahatlar bilan javob qaytardi.
Mazkur uchrashuv yoshlar uchun nafaqat ilhom manbai, balki kelajakdagi faoliyatlarini rejalashtirish va ijtimoiy mas’uliyatni his qilish imkoniyatini yaratdi.