Oqoltin tumanida sport sohasining bugungi real holati ochiq va tanqidiy ruhda muhokama qilindi
2026-01-15 09:25:00 / Yangiliklar
Yig‘ilish davomida sport inshootlarida yaratilgan sharoitlar, murabbiylar salohiyati, mashg‘ulotlar sifati hamda sportchilarni tayyorlash tizimida mavjud jiddiy kamchiliklar atroflicha tahlil qilindi.
Muhokamada viloyat hokimi o‘rinbosari Otabek Mavlonberdiyev, tuman hokimi Xusnitdin Suvonov hamda viloyat sport boshqarmasi boshlig‘i Anvar Bo‘ronov ishtirok etdi. Mas’ullar tomonidan sport sohasiga nisbatan umumiy va yuzaki baholar berish mutlaqo o‘rinli emasligi, mavjud natijalar esa bugungi kun talablari va imkoniyatlariga mutlaqo javob bermayotgani qat’iy ta’kidlandi.
Shu munosabat bilan tuman hokimi tomonidan sport sohasini yanada qo‘llab-quvvatlash, moddiy-texnik bazani mustahkamlash va mavjud muammolarni bartaraf etish uchun qo‘shimcha mablag‘lar ajratilishi ma’lum qilindi. Bunda ajratilayotgan resurslar faqat aniq va samarali natijalar bilan o‘lchanishi shartligi alohida qayd etildi.