Muvaffaqiyat sari yo‘l: o‘quvchi yoshlar bilan ochiq muloqot o‘tkazildi
2025-12-18 14:10:00 / Yangiliklar
“El-yurt umidi” jamg‘armasi grant g‘olibi, AQShning nufuzli “Roanoke College” oliygohiga to‘liq grant asosida o‘qishga qabul qilingan Jasmina Tursunaliyeva ishtirokida o‘quvchi yoshlar bilan uchrashuv bo‘lib o‘tdi.
Uchrashuv davomida Jasmina Tursunaliyeva xorijda ta’lim olish imkoniyatlari, grant dasturlari, hujjat topshirish jarayonlari hamda muvaffaqiyatga erishish yo‘lidagi shaxsiy tajribasi haqida atroflicha so‘zlab berdi: “Bugungi kunda muvaffaqiyatning eng asosiy kaliti — bilimdir. Hozir bilim olish uchun barcha sharoitlar yetarli, faqat insonda aniq maqsad va intilish bo‘lishi kerak. Maqsad bo‘lsa, natija albatta bo‘ladi.”
Tadbir savol-javoblarga boy, samimiy va ochiq muloqot ruhida o‘tdi hamda o‘quvchi yoshlar uchun kelajak rejalari va ta’lim yo‘lida muhim motivatsiya manbai bo‘ldi.