Xalqaro eʼtirof: Shavkat Mirziyoyevning insonparvarlik tashabbuslari — yangi dunyo modeli
2025-12-15 09:45:00 / Yangiliklar
«Insoniyat tarixida davlat yoki imperiyaning mavjudligidan ham barqarorroq narsa bor. Bu — buyuk g‘oyalar!» — deb yozadi pokistonlik yozuvchi Muhammad Abbos Xon o‘zining yangi asarida.
Uning «O‘zbekiston: Uchinchi Renessans — taraqqiyot konsepti» kitobida Shavkat Mirziyoyevning yangicha tafakkuri quyidagicha tahlil qilinadi:
Kelajak — raqobat emas, hamkorlik maydoni;
Tarix — ajratuvchi devor emas, bog‘lovchi ko‘prik;
O‘zgarishlar — ezgulik va adolatga xizmat qilish istagidan boshlanadi.
Kitobga so‘zboshi yozgan Pokiston Bosh vazirining fikricha, O‘zbekiston tajribasi va ushbu asar nafaqat Pokistonni, balki butun Sharqni yangi uyg‘onish davriga ilhomlantiradi.
Tinchlik, maʼrifat va muloqotga asoslangan ushbu asar har birimizni teran mushohadaga chorlaydi.