Yoshlar ishlari agentligi direktori boshchiligidagi ishchi guruh o‘rganishlari Jizzaxdan so‘ng Sirdaryo viloyatida davom etdi.
2025-12-05 09:15:00 / Yangiliklar
O‘rganishlardan asosiy maqsad yoshlar uchun yaratilgan imkoniyatlarni o‘rganish, yangi qo‘llab-quvvatlash mexanizmlarini belgilash, ta’lim hamda bandlik yo‘nalishida yanada kengroq sharoit yaratishdir.
Dastlab ishchi guruh Oqoltin tumanida joylashgan “Way to English” ingliz tiliga ixtisoslashgan o‘quv markazi faoliyati bilan tanishdi. Mazkur markazga “Ko‘mak” loyihasi orqali 130 mln so‘m ssuda (https://lex.uz/uz/docs/-7451522) mablag‘i ajratilgan bo‘lib, bugungi kunda u chekka hudud yoshlari uchun muhim ta’lim maskaniga aylangan.
Shundan so‘ng ishchi guruh Mirzaobod tumanidagi “Ibrat farzandlari” o‘quv markazi hamda novvoychilik bilan shug‘ullanayotgan yosh tadbirkor Murodjon Tursunov faoliyati bilan ham tanishdi. Murodjon o‘z faoliyati orqali nafaqat oilasiga daromad manbai yaratgan, balki mahalladagi 3 nafar ishsiz yoshning bandligini ham ta’minlagan.