Xitoylik investorlar Oqoltinda yana bir yirik loyihani amalga oshirishga tayyor
2025-11-03 17:30:00 / Yangiliklar
Xitoy Xalq Respublikasida bo‘lib turgan Sirdaryo viloyati delegatsiyasi qator yirik kompaniyalar bilan muzokaralar o‘tkazmoqda. Delegatsiya tarkibida bo‘lgan Oqoltin tumani vakillari ham mazkur uchrashuvlarda faol ishtirok etmoqda.
Muzokaralar davomida “Chengdu Reliable Technology Company” va “FM WORLD” kompaniyalari vakillari bilan Oqoltin tumanida paxta terish kombaynlari uchun ehtiyot qismlar ishlab chiqarish loyihasini amalga oshirish masalalari muhokama qilindi.
Korxonaning qurilish ishlari 2026-yilda amalga oshirilishi, 2027-yildan esa to‘liq quvvat bilan ishga tushirilishi rejalashtirilgan.
Qishloq xo‘jaligida zamonaviy paxta terish texnikalaridan foydalanish tobora kengaymoqda. Joriy paxta mavsumida tumanimizda yetishtirilgan hosilning 84 foizi aynan kombaynlar yordamida terib olindi.
Bu esa mazkur loyihaning iqtisodiy samaradorligi va texnologik istiqbolini yana bir bor tasdiqlaydi.