30-iyun Yoshlar kuni munosabati bilan Oqdaryo tumani hokimi Temur Maxmudovnig bayram tabrigi
2026-06-30 09:05:00 / Yangiliklar
30-iyun Yoshlar kuni munosabati bilan Oqdaryo tumani hokimi Temur Maxmudovnig bayram tabrigi
Qadrli yoshlar!
Sizlarni, sizlar orqali barcha fuqarolarimizni — 30-iyun Yoshlar kuni bilan chin qalbimdan samimiy muborakbod etaman. Bugungi sinovli davrlarda siz, aziz yoshlarga mustahkam sog‘lik, baxt va omad yor bo‘lishini, o‘qish hamda mehnat faoliyatingizda yuksak muvaffaqiyatlarga erishishingizni tilayman.
Bugungi kunda Oqdaryo tumanida 181 mingdan ortiq aholi istiqomat qilayotgan bo‘lib, shundan 44 ming 778 nafari yoshlarni tashkil etadi. Kelajagimiz egalari bo‘lgan yoshlarning qonuniy huquq va manfaatlarini ta’minlash, ularning orzu-intilishlari, qobiliyat va salohiyatini ro‘yobga chiqarish yo‘lida tumanimizda izchil va samarali ishlar amalga oshirilmoqda.
Yil davomida 280 nafardan ortiq yoshlarimiz sport yo‘nalishida turli yutuqlarga erishdi. “5 ta muhim tashabbus” doirasida esa 36 mingdan ziyod yoshlarimiz o‘zlarini qiziqtirgan sohalarda iste’dod va salohiyatlarini namoyon etish imkoniga ega bo‘ldilar.
Umumta’lim maktablarini 1 939 nafar bitiruvchi tamomladi, ularning 35 nafari oltin va kumush medallar bilan taqdirlandi. Bugungi kunga qadar 19 nafar yoshimiz muddatidan oldin talaba nomiga sazovor bo‘ldi. Bitiruvchilarning 90 foizi oliy ta’lim muassasalariga kirish istagini bildirgan bo‘lsa, qolgan 10 foizi qiziqishlariga muvofiq kasbga yo‘naltirilmoqda.
Aziz yoshlar!
Sizlar uchun tumanimizda keng imkoniyatlar yaratilgan. Ushbu imkoniyatlardan oqilona foydalanib, bilimli, vatanparvar va komil insonlar bo‘lib voyaga yetishingizga ishonaman.
Yana bir bor barchangizni 30-iyun — Yoshlar kuni bilan samimiy muborakbod etaman!
Hurmat bilan,
Temur Maxmudov
Oqdaryo tumani hokimi