Samarqand viloyati Oqdaryo tumani hokimligi

“Payshanba – Yoshlar kuni”: Oqdaryoda rahbar va yoshlar uchrashuvi o‘tkazildi

🏢Bugun “Payshanba – Yoshlar kuni” munosabati bilan Oqdaryo tuman ixtisoslashtirilgan maktabida “Rahbar va yoshlar uchrashuvi” tadbiri bo‘lib o‘tdi. Unda tuman hokimi Temur Maxmudov ishtirok etdi.
Uchrashuv davomida yoshlarning ta’lim olishi hamda bo‘sh vaqtlarini mazmunli tashkil etish masalalari muhokama qilindi. Shuningdek, yoshlar tomonidan bildirilgan taklif va tashabbuslar tinglanib, ularni amalga oshirish bo‘yicha mas’ullarga tegishli topshiriqlar berildi.
Tadbirda yoshlarga yaratilayotgan imkoniyatlar, davlatimiz tomonidan amalga oshirilayotgan islohotlar mazmun-mohiyati keng tushuntirildi. Samimiy muloqot ruhida o‘tgan uchrashuv yoshlarning faolligini oshirish va ularning muammolariga yechim topishda muhim ahamiyat kasb etdi.