Surxondaryo viloyati Oltinsoy tumani hokimligi

Tumanda ijtimoiy soha obyektlarida qurilish va ta’mirlash ishlari olib borilmoqda

Tuman hokimi Otabek Mavlyanov rahbarligida tumanda ijtimoiy soha obyektlarini rivojlantirish, aholiga ko‘rsatilayotgan xizmatlar sifatini yanada yaxshilash maqsadida keng ko‘lamli qurilish va ta’mirlash ishlari amalga oshirilmoqda.

Xususan, maktablar, maktabgacha ta’lim tashkilotlari, tibbiyot muassasalari hamda boshqa ijtimoiy ahamiyatga ega obyektlarda rekonstruksiya va kapital ta’mirlash ishlari izchil davom ettirilmoqda.

Tuman hokimi tomonidan ushbu obyektlarda olib borilayotgan ishlar doimiy nazoratga olinib, qurilish sifati, muddatlarga rioya etilishi hamda yaratilayotgan sharoitlarning zamonaviy talablarga mosligi alohida e’tiborga olinmoqda.

Mazkur ishlar natijasida hududda zamonaviy infratuzilma shakllanib, aholiga ko‘rsatilayotgan ijtimoiy xizmatlar samaradorligi sezilarli darajada oshishi kutilmoqda.