Surxondaryo viloyati Oltinsoy tumani hokimligi

SPORTCHI BILAN YOSHLAR UCHRASHUVI

Bugun, Oltinsoy tuman hokimligining majlislar zalida yoshlar o‘rtasida dzyudo sporti bo‘yicha jahon chempioni  Jahongir  va  akasi  Jamshid  polvon Mamatrahimovlarning yoshlar bilan uchrashuvi bo‘lib o‘tdi.

Uchrashuvda  Oltinsoy tumani hokimi Bahrom Maxmatraemov Jahongir polvonni yaqinda vohamizda o‘tkazilgan katta kurash musobaqasida mutlaq vazn toifasida g‘oliblikni qo‘lga kiritib, Prezident sovg‘asi bo‘lgan “Damas” avtomobili bilan mukofotlanganligini e’tirof etdi va uni  qizg‘in tabrikladi.

Shundan so‘ng tuman hokimi B.Maxmatraemov uchrashuvga kelgan serg‘ayrat, ko‘zlari chaqnab turgan yoshlarga murojaat qilib, Jahongir va Jamshid polvonlar singari ustozlardan o‘rganib,  mahoratini oshirib, nufuzli bellashuvlarda g‘olib bo‘lib  tumanimiz obro‘sini yanada yuksaltirishga chorladi.