Xorijda fuqarolarning qonuniy mehnat faoliyatini ta’minlash yuzasidan uchrashuv o‘tkazildi
2026-07-11 17:10:00 / Yangiliklar
Oltinko‘l tumani hokimi O. Rasulov ishtirokida tumandagi mahallalarda ishsiz hamda xorijiy davlatlarda mehnat qilib qaytgan fuqarolar bilan uchrashuvlar o‘tkazildi. Uchrashuvda Belarusiya Respublikasida qonuniy mehnat faoliyatini olib borish istagini bildirgan fuqarolar bilan ochiq muloqot tashkil etildi.
Tadbir davomida xorijda qonuniy mehnat faoliyatini amalga oshirish tartiblari, mavjud bo‘sh ish o‘rinlari, mehnat sharoitlari, fuqarolarning huquq va majburiyatlari, shuningdek, xavfsiz mehnat migratsiyasini ta’minlash masalalari yuzasidan batafsil ma’lumotlar berildi.
Shuningdek, fuqarolarning murojaat va takliflari tinglanib, ularni qiziqtirgan savollarga mas’ul mutasaddilar tomonidan atroflicha javoblar berildi.