Jinoyatchilikning oldini olish va mahallalarda xavfsizlikni ta’minlash — ustuvor vazifa Oltiariq tumani hokimi Sh.Turdaliyev tuman IIBda mahalla profilaktika inspektorlari bilan muloqot o‘tkazdi. Uchrashuvda viloyat IIB tashkiliy boshqarma boshlig‘i, po
2026-09-05 15:00:00 / Yangiliklar
Oltiariq tumani hokimi Sh.Turdaliyev tuman IIBda mahalla profilaktika inspektorlari bilan muloqot o‘tkazdi.
Uchrashuvda viloyat IIB tashkiliy boshqarma boshlig‘i, polkovnik X.Toshpo‘latov, tuman IIB rahbariyati hamda mahalla profilaktika inspektorlari ishtirok etdi.
Muloqot davomida tumanda O‘zbekiston Respublikasi Prezidentining PQ-1-sonli qarori ijrosini ta’minlash, jinoyatchilikka qarshi kurashish, huquqbuzarliklarning oldini olish, aholi tinchligi va osoyishtaligini ta’minlash borasida amalga oshirilayotgan ishlar muhokama qilindi.
Shuningdek, «Xavfsiz va obod mahalla» tamoyili asosida hududlarda xavfsiz muhitni ta’minlash, mahalla «yettiligi» faoliyatini samarali tashkil etish, aniqlangan muammolarni o‘z vaqtida bartaraf etishda hokimlik va mutasaddi tashkilotlar hamkorligini yanada kuchaytirish masalalari yuzasidan fikr almashildi.
Mahalla profilaktika inspektorlarining xizmat faoliyati bilan bog‘liq taklif va mulohazalari ham tinglanib, ularni qo‘llab-quvvatlash va ish samaradorligini oshirish bo‘yicha tegishli vazifalar belgilab olindi.
Tadbir yakunida xizmat vazifalarini sidqidildan bajarib, faolligi va tashabbuskorligi bilan alohida namuna ko‘rsatgan bir guruh mahalla profilaktika inspektorlari tuman hokimi tomonidan rag‘batlantirildi.
