Oltiariqda qishloq xoʻjaligi mahsulotlari yetishtirish va eksporti borasidagi tajribalar ommalashmoqda
2026-07-07 13:00:00 / Yangiliklar
Oltiariqda qishloq xoʻjaligi mahsulotlari yetishtirish va eksporti borasidagi tajribalar ommalashmoqda
Issiqxonalardan bir yilda uch marta hosil olish, uzumning urugʻsiz va Yevropa bozorlarida xaridorgir navlarini koʻpaytirish borasida peshqadamlik qilayotganlar safi kengaymoqda.
Ayniqsa, Zilol mahallasidagi aholi xonadonlari, shuningdek yoshlar tomonidan tashkil etilgan kooperatsiyada pomidor va bodring yetishtirilayotgan 350 dan ortiq issiqxonada termos usulida tabiiy issiqlikdan samarali foydalanib, tomchilatib sugʻorish tizimini qoʻllayotgan dehqonlar mahsulot tannarxini sezilarli darajada kamaytirishga erishmoqda.
Shuningdek, uzumning ertapishar, urugʻsiz va eksportbop navlarini koʻpaytirish hisobiga bogʻbonlarning daromadi ham ancha ortib bormoqda.
Hokimlik axborot xizmati hamda viloyat va respublika nashrlari muxbirlari ishtirokida tomorqadan samarali foydalanishning Oltiariq tajribasini ommalashtirish maqsadida press-tur tashkil etildi.