жисмоний ва юридик шахслар мурожаатларини қайта ўрганиш ишларини самарали ташкил этиш масалаларига бағишланган амалий семинар бўлиб ўтди
2026-07-03 13:10:00 / Majlislar
Жорий йилнинг 3 июль куни Олтиариқ туманида Фарғона вилояти Халқ қабулхонаси раҳбари иштирокида жисмоний ва юридик шахслар мурожаатларини қайта ўрганиш ишларини самарали ташкил этиш масалаларига бағишланган амалий семинар бўлиб ўтди.
Семинарда туман ҳокимлиги масъуллари, ташкилот ва идоралар раҳбарлари ҳамда мурожаатлар билан ишлашга масъул ходимлар иштирок этдилар.
Тадбир давомида фуқаролар мурожаатларини қонунчилик талаблари асосида ўз вақтида, сифатли ва холисона кўриб чиқиш, такрорий мурожаатлар келиб чиқишининг олдини олиш, мурожаатларни қайта ўрганиш жараёнида аниқланган камчиликларни бартараф этиш ҳамда ижро интизомини янада мустаҳкамлаш масалалари юзасидан атрофлича фикр алмашилди.
Шунингдек, мурожаатларни қайта ўрганиш амалиётида учраётган муаммолар таҳлил қилиниб, уларни бартараф этиш бўйича масъулларга аниқ тавсия ва топшириқлар берилди.
